BBC North America muxbiri Jon Sopel Oq uydan tayyorlagan lavhasida o‘zi bilib-bilmay tomoshabinlarni taajjubga solib qo‘ydi, deb yozmoqda Daily Mirror nashri.
O‘sha lavhada Sopel qo‘llarini faol qimirlatadi. Kutilmaganda uning qo‘lida qo‘lqop paydo bo‘ladi. Ijtimoiy tarmoqlarning ayrim foydalanuvchilari bunga diqqat qaratib, uni "sehrli tomosha" deb hazil qilishgan.
"Jon Sopel bo‘sh vaqtlari ko‘zboylash bilan pul topadimi?", — deb murojaat qiladi Rassel Joys.
"Sopelning bunday holatlar uchun dublyori bor, shekilli?", — deydi Nil Bauness.
Sopelning o‘zi bu holatga oydinlik kiritar ekan, aslida nima bo‘lganini tushuntirib bergan. Uning so‘zlariga ko‘ra, u bir necha soniyaga bloklanib qolgan telefonini barmoq izi bilan ochish maqsadida qo‘lqopini olib turgan, keyin yana kiygan.
"Menga Trampning bitta gapi kerak edi. Telefonim bloklanib qolganini bilgach, tezda qo‘lqopni yechib, telefonni faollashtirdim", — degan jurnalist va odamlar uni sehrgar deb o‘ylashganidan xursand bo‘lganini aytgan.
