16:24 / 02.02.2017
29193

Geofiziklar 2050 yilda yirik fojia bo‘lishini taxmin qilishmoqda

Britaniya va Amerika geofiziklari XXI asr o‘rtalariga kelib, Yer sayyorasining elektr tizimlari yirik inqirozga uchrashini taxmin qilishmoqda. Olimlarning tadqiqotiga doir maqolasi Scientific Reports jurnalida chop etilgan

Mutaxassislarning hisob-kitoblariga ko‘ra, 2050 yilga kelib, Quyosh faolligi eng quyi darajaga tushadi. Bu hodisa, mualliflarning aytishicha, Maunder minimumi — Quyosh faolligining uzoq muddatga qisqarish davriga o‘xshashdir. 

Faollikning pasayishi, olimlarning fikricha, Quyoshning magnit maydoni ta'siriga kiruvchi hududi – geliosfera hajmining 1/3ga qisqarishiga olib keladi. Bu esa, Quyosh tizimiga yuqori quvvatli zaryadlangan zarralarning oqimiga sabab bo‘ladi, shu bilan sayyora energetika tizimi ishdan chiqadi. 

Quyosh faolligining pasayishi, shuningdek, qutb yog‘dulari eng yuqori kengliklardagina kuzatilishiga olib keladi. Misol uchun, qutb yog‘dusini Buyuk Britaniya hududidan kuzatib bo‘lmaydi. 

Olimlar Quyosh atmosferasining magnitli gidrodinamik modellashtirishini o‘tkazish vositasida shunday xulosaga kelishgan. 

Mavzuga oid
Top