17:05 / 03.02.2017
8341

Facebook’da “Kishilarni topish” yangi funksiyasi paydo bo‘ldi

Facebook’ning iOS va Android’ga mo‘ljallangan mobil ilovasida “Kishilarni topish” (Discover People) yangi funksiyasi paydo bo‘ldi. U yaqin oradagi tadbirga borish uchun yo‘ldosh topish, ish bo‘yicha hamkasblar bilan ma'lum bir vaqtni belgilash yoki uchrashuv uchun juft topish imkonini beradi. U 2016 yilning kuzida Yangi Zelandiya va Avstraliyadan bo‘lgan foydalanuvlarga taqdim etildi, endi esa kompaniyada funksiya butun dunyo bo‘ylab amalga tatbiq etilishi ma'lum qilingan.

“Kishilarni topish” funksiyasi yaqin do‘stlar, tadbirlar va guruh haqidagi ma'lumot aks etgan qismda joylashgan. Siz bo‘limga kirish tugmachasini bosganingizdan so‘ng, o‘zingizni tanishtirishingiz lozim bo‘ladi: kimni va nima uchun qidirayotganingiz haqida qisqacha xabar yozib yuborishingiz va aktual fotosuratni joylashtirishingiz kerak.

Pastda o‘ziga yo‘ldosh izlayotgan yaqin tanishlar, boshqa kishilar, shuningdek, bo‘lib o‘tgan va endi kutilayotgan tadbirlar ro‘yxati chiqariladi. Ro‘yxatda sizning do‘stlaringiz yo‘q, sababi funksiya yangi insonlar bilan tanishtirishga mo‘ljallangan. 

Facebook matbuot xizmatining xabar berishicha, funksiya butun dunyo bo‘ylab ishlashni boshladi va foydalanuvchilarga qiziqish bo‘yicha do‘stlarni topish hamda hamkasblar yoki qo‘shnilarni yaxshiroq bilishga yordam beradi.

Techcrunch’ning ta'kidlashicha, ko‘plab foydalanuvchilar yangi funksiyani aksariyat insonlar sahifalarni umumiy tadbirlar orqali kirib, tomosha qilishlari tufayli baholay olishmaydi. Odatda, tadbir ishtirokchilari ro‘yxati ochiq bo‘ladi va “Kishilarni topish” bo‘limi orqali kirib, ma'lum bir inson haqidagi ma'lumotlarni bemalol ko‘rish mumkin.

Mavzuga oid
Top