15:20 / 04.02.2017
14979

Turkiya IShIDning to‘rt nafar amirini yo‘q qildi

Foto: Anadolu

Turkiya Suriya shimolidagi Al-Bob va Bzagoh tumanlarida “Frot qalqoni” amaliyoti davomidagi avizarbalar hamda janglar natijasida bir sutka davomida 51 terrorchini yo‘q qildi. Bu haqda Anadolu xabar bermoqda.

Mamlakat bosh shtabi ma'lumotiga ko‘ra, IShIDning to‘rt nafar amiri ham yo‘q qilingan.

Bundan tashqari, amaliyot o‘tkazilayotgan tumanda bir sutka davomida terrorchilarning 56ta inshooti va uchta shtabi yer bilan yakson qilingan.

Avvalroq Turkiya boshchiligidagi koalitsiya IShIDning Suriyadagi al-Bob shahri yaqinida joylashib olgan jangarilariga qarata aviazarbalar bergani hamda 47 jangarini yo‘q qilgani xabar qilingandi.

Top