Amerikaning Tsintsinnati shahrida hayvonot bog‘i ishchilari begemotcha Fionaning ilk qadamlarini videotasvirga tushirishdi. U yanvar oyi oxirida dunyoga keldi va ijtimoiy tarmoq yulduziga aylanishga ulgurdi.
Hayvonot bog‘ining rasmiy akkauntida ta'kidlanishicha, Fiona muddatidan olti hafta avval tug‘ilgan, shu bois u alohida parvarishga muhtoj. Veterinarlar unga kunu tun g‘amxo‘rlik qilishmoqda.
Fionaning ahvoli asta-sekinlik bilan yaxshilanmoqda, u ko‘proq oziqlanib, vazn to‘play boshladi.
Tsintsinnati hayvonot bog‘i akkaunti folloverlari uning muvaffaqiyatlarini faol kuzatib borishmoqda.