Haaga sudi marokashlik mashhur kikbokschi, «Real» hujumchisi Krishtianu Ronalduning yaqin do‘sti Badr Hariy ustidan hukm chiqardi.
AS manbasining xabariga ko‘ra, ushbu sportchiga 2 yillik qamoq hukmi o‘qilgan.
Aniqlik kiritilishicha, u faqat 6 oyni qamoqda o‘tkazadi, qolgan muddat shartli ravishda belgilangan.
Badr Hariy 2012 yildan buyon tajovuzkorlikda gumonlanib, tergov ostida edi. U o‘sha yili Amsterdam shahrida tadbirkor Koen Everink bilan janjallashib qolib, uni kaltaklagan, shuningdek, guvohlardan biriga gultuvak otgandi.
Hariyning advokati sud qarorini «tushunarsiz va adolatsiz» deya baholagan.