YeI Kengashi ittifoqning uchinchi mamlakatlar bilan vizasiz tartibni vaqtincha to‘xtatish mexanizmini hamda Gruziyaga vizasiz tartibni joriy qilish qarorini qabul qildi. Fevralning so‘nggi kunida Ukrainaga doir muzokaralar boshlanadi.
UNIAN agentligining xabar qilishicha, YeI Kengashining transport va energetika masalalari bo‘yicha majlisi doirasida shunday qaror muhokamasiz qabul qilingan. YeIning Gruziyaga vizasiz tartibni joriy qilish bitimini imzolash marosimi 1 mart kuni bo‘lib o‘tadi.
Shu bilan birga, 28 fevral tushdan so‘ng, Yevropa parlamenti, YeI Kengashi va YeI prezidentligini bajarayotgan mamlakat o‘rtasida Ukrainaga nisbatan vizalarni bekor qilish bo‘yicha muzokaralar boshlanadi. UNIANning xabariga ko‘ra, YeI Ukraina uchun vizasiz tartib qarori dunyoning har qanday davlatiga nisbatan vizasiz tartibni bekor qilish mexanizmi doirasida amalga oshishi mumkin.
