15:27 / 28.02.2017
5296

Filippin prezidenti politsiyani bangilarga qarshi kurashga qaytardi

Filippin prezidenti Rodrigo Dutertening bayonot berishicha, u mamlakat politsiyasini giyohvand moddalar savdosiga qarshi kurashishga qaytadan jalb qilishga majbur. Qariyb bir oy avval, huquq-tartibot idoralari bu kurashni to‘xtatgan edi, deb xabar qilmoqda Reyter agentligi.

Filippin yetakchisining aniqlik kiritishicha, barcha politsiya idoralari bu ish bilan shug‘ullanmaydi. Shu bilan birga, u boshqa tafsilotlarni ma'lum qilmagan. 

27 fevral kuni Filippin milliy politsiyasi rahbari Ronald dela Rosa bergan bayonotga ko‘ra, so‘nggi bir necha haftada mamlakat ko‘chalarida yana giyohvand moddalarni tarqatish boshlangan. Shunga binoan, politsiyachilar ushbu illatga qarshi kurashga tayyor. 

Avvalroq, Filippin hukumati politsiyaning giyohvand moddalar savdosiga qarshi kurashuvchi bo‘limi tugatilishi haqida ma'lum qilgan edi. Bunga vakolatlar suiiste'mol qilinganiga doir dalillar topilgani sabab bo‘lgandi. Biroq, prezident Duterte nashavandlar hamda giyohvand moddalarni tarqatuvchilarga qarshi keng qamrovli kurashni davom ettirishini ta'kidlagandi. 

BMT ma'lumotlariga ko‘ra, Dutertening 2016 yil 30 iyunida hokimiyat tepasiga kelganidan beri mamlakatda giyohvand moddalar savdosiga aloqador 6 mingdan ortiq odam o‘ldirilgan. 

Mavzuga oid
Top