Rossiya prezidentining matbuot xizmati rahbari Dmitriy Peskov Rossiya va Ukraina prezidentlari Vladimir Putin hamda Petro Poroshenko telefon orqali gaplashganini tasdiqladi. Bu haqda TASS agentligi xabar berdi.
Uning so‘zlariga ko‘ra, siyosatchilarning suhbatida Avdeyevkada o‘t ochishni to‘xtatish masalasi muhokama etilmagan.
«Avdeyevkada o‘t ochishni to‘xtatish masalasi muhokama qilinmagan. Vaziyat taranglashgan vaqtda tomonlar o‘zaro fikr almashishdi va o‘z tashvishlarini bildirishdi. Men faqat bir gapni tasdiqlashim mumkin: rostdan ham ikki prezident o‘rtasida ishchi telefon muloqotlari bo‘lib o‘tgan», — degan Peskov.
U bunday telefon muloqotlari «bir necha marta» o‘tkazilgani haqida ma'lum qilgan.
Shu bilan birga Peskov «boshqa jihatlar»ni ma'lum qila olmasligini qo‘shimcha qilgan.
