2017 yil 1 oktabridan O‘zbekiston Respublikasida yangi namunadagi haydovchilik guvohnomalari joriy qilinadi. Ularni almashtirish narxi taxminan eng kam oylik ish haqining 55 foizi miqdorida bo‘ladi. Bu haqda, Toshkent shahar IIBBda bo‘lib o‘tgan matbuot anjumanida shahar yo‘l harakati xavfsizligi bo‘lim boshlig‘i o‘rinbosari Zarif Yusufjonov ma'lum qildi.
Uning so‘zlariga ko‘ra, yangi haydovchilik guvohnomasi 1968 yilgi Vena Konventsiyasiga to‘la mos kelganligi bois, ushbu Konventsiyaga qo‘shilgan har qanday davlatda amal qiladi.
Shu bilan birga, ularni eski haydovchilik guvohnomalarini yangisiga almashtirish uchun ko‘p vaqt talab qilinmaydi. Aniqrog‘i, yangi guvohnoma bir soat ichida tayyor bo‘ladi. Shuningdek, u elektron guvohnoma hisoblanadi, shunga binoan, yangi guvohnomalar bilan birga talon berilmaydi.
Eski namunadagi haydovchilik guvohnomalari qachondan boshlab haqiqiy emas deb topiladi?
