Illyustrativ foto
2017 yil 6 aprel kuni Peshku tuman IIBga O‘g‘lon MFY, Xayroxayre qishlog‘ida yashovchi, 1980 yilda tug‘ilgan fuqaro N.I. ariza orqali murojaat qildi, deb xabar bermoqda Buxoro IIB.
U 6 aprel kuniga o‘tar kechasi noma'lum shaxs yashash uyiga deraza orqali g‘ayriqonuniy ravishda kirib, yotoqxonasidan jami bahosi 7.620.000 so‘mlik 4 xil turdagi ayollar tilla taqinchoqlarini o‘g‘irlab ketganligini bildirgan.
Olib borilgan tezkor-surishtiruv ishlari davomida ushbu jinoyatni, shu manzilda yashovchi, 1993 yilda tug‘ilgan muqaddam sudlangan, “Axtambobo” fermer xo‘jaligi ishchisi Adizov Rahmiddin Ahadovich sodir qilganligi aniqlangan.
Mazkur holat yuzasidan R.Adizovga nisbatan JKning tegishli moddasiga asosan jinoyat ishi qo‘zg‘atilgan.
