Eron shimoli-g‘arbida yuz bergan suv toshqinlarida qurbon bo‘lganlar soni 35 nafarga yetdi. 8 kishi bedarak yo‘qolgan hisoblanmoqda. Mamlakat favqulodda holatlar bo‘yicha tashkilot rahbari Ismoil Najjor ma'lum qilgan.
Avvalroq, Najjor 25 kishining halok bo‘lgani haqida so‘z yuritgan edi. Uning so‘zlariga ko‘ra, suv toshqinlariga surunkali yomg‘irlar sabab bo‘lgan. Eronning to‘rt viloyati — G‘arbiy va Sharqiy Ozarboyjon, Kurdiston va Zanjon viloyatida 14 apreldan beri tinimsiz kuchli yomg‘ir yoqqan.
"Jami 35 kishi hayotdan ko‘z yumdi", — degan Najjor ISNA agentligi. Uning qayd etishicha, qutqaruvchilar bedarak yo‘qolganlarning jasadlarini topishgan.
Qurbonlarning aksariyati, agentlikka ko‘ra, Sharqiy Ozarboyjonga to‘g‘ri keladi. Hukumat qidiruv-qutqaruv ishlarini davom ettirmoqda.
