Amerikancha futbol yulduzi, Milliy futbol ligasi klublarining sobiq o‘yinchisi Todd Xip ehtiyotsizlik tufayli mashinasida o‘zining uch yoshli qizini urib yubordi. Bu haqda Fox News telekanali xabar bermoqda.
Voqea sportchining Finiks yaqinidagi uyi yonida yuz bergan. Yuk mashinasini boshqarayotgan Xip yo‘lga yugurib chiqqan qizini urib yuborgan. Qizcha shifoxonaga yetkazilgan, biroq uning hayotini saqlab qolishning iloji bo‘lmagan.
Politsiya ushbu voqeani tergov qilmoqda. Dastlabki ma'lumotlarga ko‘ra, gap fojiali tasodif haqida bormoqda.
Sporting News nashri ma'lumotlariga ko‘ra, qizcha 37 yoshli futbolchining 5 farzandidan kenjasi bo‘lgan.
