Turkiya prezidenti Rajab Toyyib Erdo‘g‘an bosh vazir Binali Yildirimni mamlakatda o‘tgan konstitutsiyaviy referendumning ijobiy natijalari bilan telefon orqali tabrikladi. Bu haqda NTV turk telekanali ma'lum qildi.
Anadolu axborot agentligining ma'lum qilishicha, ovoz berish byulletenlarining 98 foizi hisob-kitob qilingandan keyin konstitutsiyaga o‘zgartirishlar kiritish tarafdorlari 51,3 foiz ovoz to‘plashgan. O‘zgartirishlarda mamlakatning parlamentar boshqaruvdan prezidentlik boshqaruviga o‘tishi ko‘zda tutilgan.
Erdo‘g‘an, shuningdek, islohotlarni qo‘llab-quvvatlagan Milliy harakat partiyasi yetakchisi Davlat Baxcheliga ham qo‘ng‘iroq qilgan. Erdo‘g‘an referendum natijasi ravshanligini aytdi va islohotlar mamlakat va xalqqa foyda keltirishiga umid bildirdi.
