11:33 / 19.04.2017
4641

Tramp Eronga nisbatan sanksiyalarni qayta tiklashi mumkin

AQSh prezidenti Donald Tramp Eronga nisbatan joriy qilingan sanksiyalarni qisman bekor qilish AQSh manfaatlariga qanchalik javob berishini aniqlash vazifasini topshirgan. Barak Obama Tehron yadro dasturi borasida xalqaro hamjmiyat bilan erishilgan kelishuv doirasida sanksiyalarni bekor qilgan edi, deb xabar qilmoqda Reks Tillerson.

"Prezident Donald Tramp ko‘rsatmasiga binoan turli idoralar Milliy xavfsizlik kengashi rahbarligida Umumiy qo‘shma harakatlar rejasini muhokama qiladi. Unda Eronga nisbatan sanksiyalarni to‘xtatish AQShning o‘ta muhim milliy manfaatlariga javob berishi yoki yo‘qligi ko‘rib chiqiladi", — deyiladi Tillerson bayonotida. 

Shu bilan birga, davlat departamentining vakillar palatasi spikeri Pol Rayanga yozgan maktubida qayd etilishicha, Eron kelishuv bo‘yicha zimmasiga olgan majburiyatlarga rioya qilmoqda. 

"Shunga qaramay, davlat kotibi Eronning terrorizmni qo‘llab-quvvatlovchi siyosatidan tashvish bildirgan va kongressni prezident topshirig‘iga muvofiq o‘tkazilayotgan ishlardan xabardor qilgan", — deyiladi xabarda. 

Top