Peterburg metrosidagi portlash tashkilotchisi sifatida qo‘lga olingan Abror Azimovning akasi Akram Azimov ukasiga ko‘rsatma bergan.
«Tergov vaqtida Azimov ukasi bilan birgalikda portlashga olib keluvchi harakatlarni sodir etganini tan oldi. U ukasiga ko‘rsatma bergan»,— deya Moskva sudidagi o‘qilgan tergov bayonnomasidan iqtibos keltirgan «RIA Novosti». Shu bilan birga Akram Azimov teraktga aloqadorligini rad etgan.
Endilikda u hibsga olinishi mumkin.
Akram Azimov 19 aprel kuni avvaliga Qirg‘izistondan Rossiyaga deportatsiya qilindi. U ko‘p o‘tmasdan Moskvada FSB xodimlari tomonidan qo‘lga olindi. U terakt tashkilotchiligi uchun sarflangan mablag‘ni yetkazib berishda gumon qilinmoqda. Bu teraktga xalqaro terrorchi guruhlar aloqadorligi aytilmoqda.
17 aprel kuni Akram Azimovning ukasi Abror Azimov ham Moskvada qo‘lga olingandi. U Peterburgdagi terakt ijrochiligidagi asosiy gumondor Akbarjon Jalilovni teraktga tayyorlagani gumon qilingan.
FSB tomoshasi. Azimov O‘shda qo‘lga olingan, keyin Moskvada boshqatdan qo‘lga olingan