Toshkent shahri Olmazor tumaniga Abduqahhor To‘xtayev yangi hokim etib tayinlangan. Bu haqda Jizzax shahar hokimligidagi manba «Kun.uz»ga ma'lumot berdi.
U 21 aprel kuni prezident tashrifidan keyin ishdan olingan Bahodir G‘oibnazarov o‘rnida ish boshlagan.
Abduqahhor To‘xtayev 2005 yildan 2011 yilgacha Toshkent shahri hokimi sifatida ishlagan. U 2016 yilning sentabrida, o‘sha vaqtda O‘zbekiston Respublikasi prezidenti vazifasini bajaruvchi bo‘lgan Shavkat Mirziyoyev tomonidan Jizzax shahar hokimi etib tayinlangan va shu kunga qadar shu lavozimda faoliyat ko‘rsatib kelayotgandi.
