2017 yilning 27 aprel kuni O‘zbekiston Respublikasi Tashqi ishlar vaziri Abdulaziz Kamilov Shveytsariya Konfederatsiyasining o‘z diplomatik missyasini yakunlayotgan Favqulodda va muxtor elchisi Shtefan Klotzlini qabul qildi. Bu haqda O‘zbekiston Respublikasi Tashqi ishlar vazirligi ma'lum qildi.
Suhbat davomida elchining mamlakatimizdagi siyosiy, savdo-iqtisodiy, investitsion, madaniy-gumanitar va boshqa sohalarda olib borgan faoliyati yakunlari sarhisob qilindi.
Vazir Shveytsariya elchisiga ikki tomon hamkorligini kengaytirishga qo‘shgan shaxsiy hissasi uchun tashakkur izhor etdi.
O‘z navbatida Shtefan Klotzli O‘zbekistonda o‘z diplomatik missiyasini muvaffaqiyatli bajarishi uchun yaratilgan qulay sharoitlar uchun minnatdorchilik bildirdi.
