Foto: RIA "Novosti"
Suriyaning Halab provinsiyasi hukumati qochqinlarning "Jibrin" lageridan yaqindagina jangarilardan ozod qilingan qishloqlariga qaytishlari bo‘yicha keng qamrovli operatsiyani boshlab yubordi. Bu haqida provinsiya gubernatori o‘rinbosari Hamid Kenno ma'lum qildi.
Uning so‘zlariga ko‘ra, yaqin vaqt ichida Frot daryosi bo‘ylab joylashgan besh qishloqqa 12 ming kishini joylashtirish rejalashtirilmoqda.
Suriya hukumati vakillari bu aholi punktlarining yashash uchun yaroqliligini tekshirish maqsadida ularni ko‘zdan kechirib chiqishdi.
Ma'lumotlarga ko‘ra, tez orada qishloqlar yaqinida terrorchilar tomonidan vayron qilingan novvoyxonalar va tibbiyot punktlari qayta tiklanadi.
