Kiyev meri, sobiq bokschi Vitaliy Klichko jurnalistlar ko‘z o‘ngida shahar markazidagi avtomatik ishlovchi hojatxonaning ishlashini sinovdan o‘tkazdi, deb xabar bermoqda TSN telekanali.
Foydalanuvchilardan biri tvitterda ushbu holat aks etgan suratni chop etib, kinoya bilan "Kosmik kemalar koinot bo‘ylab kezayotgan bir paytda, Klichko tantanali ravishda ... hojatxonani ochib berdi. Avtomatik hojatxonani!" deb izoh bergan.
G‘oyaga ko‘ra, "texnika mo‘'jizasi" pul yig‘uvchi kassirning ishtirokisiz ishlaydi – hojatxonaga tashrif buyuruvchilar bir grivnalik xizmat haqini smart-hojatxonaning o‘zida to‘laydi. Biroq hojatxonani hozircha bir shart bilangina avtomatik deb aytish mumkin: ayni vaqtda uning yonida maslahatchi qiz turib, yozilishni istovchilarga Hi-Tech hojatxonadan qanday foydalanishni tushuntirib turibdi.
Bundan avval Klichko Kiyevdagi barcha yo‘llar va binolarni "Yevrovideniye" musiqa tanlovigacha ta'mirlashning uddasidan chiqib bo‘lmasligini, biroq poytaxtda Yevropa namunasidagi yangi chiqindi idishlari o‘rnatilganini aytgandi.
