IV “Islom birdamlik o‘yinlari”da karate bo‘yicha 60 kg gacha vazn toifasida final bellashuvi yakunlandi. Unda hamyurtimiz Sadriddin Saymatov turkiyalik Kayya Aykutga qarshi kurash olib bordi. Jang yakunlanishiga 2 soniya qolganida ham Sadriddin 1:2 hisobida orqada borayotgandi. Ammo so‘nggi soniyada u o‘zining aniq zarbasi evaziga ippon bahosi ishlab oldi va qo‘lga kiritilgan 3 ochko evaziga bahsni 4:2 hisobida o‘z foydasiga hal qilib, oltin medal sohibiga aylandi.
Saymatovning medali O‘zbekiston delegatsiyaning “Islom birdamlik o‘yinlari”dagi ilk oltin sovrini sifatida tarixda qoladi.