22:53 / 16.05.2017
5213

Apple pitssa saqlash uchun idishga patent oldi

Foto: © twitter.com/joshavant

Apple kompaniyasi pitssa saqlashga mo‘ljallangan antiqa idish yaratib, uni patentlashtirdi. Bu haqda Wired nashri xabar bermoqda. 

Ta'kidlanishicha, idish uchun patent olishga ariza 2010 yildayoq topshirilgan. Idishni yaratishda Apple’ning oziq-ovqat xizmati rahbari Franchesko Longoni ishtirok etgan.

Idish konstruksiyasida havo aylanib turadigan teshiklar bo‘lib, u orqali issiq pitssaning bug‘i tashqariga chiqadi. Buning oqibatida idish ichida namlik yig‘ilmaydi va pitssa bo‘kib qolmaydi.

Wired’ning ta'kidlashicha, bunday buyumlar faqatgina Apple kampuslari ichida qo‘llashga mo‘ljallangan. Idish kompaniya xodimlariga oshxonadan issiqqina pitssani keltirib, shundoqqina ish joylarida ovqatlanishlariga imkon beradi.

Mavzuga oid
Top