O‘zbekiston Respublikasi Oliy Majlisi Qonunchilik palatasi Xiva hamda Shahrisabz shaharlarini viloyat boshqaruvidagi shahar ro‘yxatiga kiritish to‘g‘risidagi qarorni qabul qildi.
O‘zbekiston parlamenti quyi palatasiga ko‘ra, Prezident Shavkat Mirziyoyev Xorazm va Qashqadaryo viloyatlariga safarlari chog‘ida mazkur shaharlarning yuqori salohiyatidan kelib chiqib, turizmni rivojlantirish maqsadida Xiva va Shahrisabzni o‘zini-o‘zi boshqaruvchi ma'muriy birlikka aylantirish hamda ularni viloyat boshqaruvidagi shaharlar ro‘yxatiga kiritish taklifini bildirgan edi.
Bu choralar O‘zbekiston hududida joylashgan ushbu qadimgi shaharlarga sayyohlar oqimini sezilarli oshirish imkonini beradi.
