Foto: Anadolu
Eron tashqi ishlar vaziri Javod Zarif ijtimoiy tarmoqdagi o‘z sahifasida AQSh prezidenti Donald Trampning Tehronga nisbatan yaqinda bildirgan tanqidiy fikrlariga javob qaytardi.
«Eronda bo‘lib o‘tgan navbatdagi demokratik saylovlardan so‘ng Tramp Tehronga bosim ko‘rsatishga harakat qildi. Bu nima? Tashqi siyosat talabimi yoki Saudiya Arabistonidan olingan 480 milliard dollarning ta'sirimi?», - deya yozgan Zarif.
Avvalroq AQSh prezidenti Donald Tramp Ar-Riyodda chiqish qilib, Suriya rejimi rahbari Bashar Asad «dahshatli va xayolga sig‘dirish mushkul bo‘lgan jinoyatlar»ni qilayotgani, Eron esa terrorizmni global darajada qo‘llab-quvvatlab, mintaqada alg‘ov-dalg‘ovlik kelib chiqishiga turtki berayotgani haqida ma'lum qilgandi.
