«Arsenal» jamoasi bosh murabbiyi Arsen Venger Angliya Kubogi finalida «Chelsi»ga qarshi kechadigan uchrashuv arafasida o‘z kelajagi borasida berilgan savolga ham javob qaytardi.
«Mustafi hali betob va mashg‘ulotlarda ishtirok etmayapti. Albatta, Pauilstaning «Everton» bilan uchrashuvda jarohatlanishi bizga ortiqcha muammolarni tug‘dirdi. Barcha biladiki, Koselni o‘sha o‘yinda olgan qizil kartochkasi tufayli Kubok finalida o‘ynay olmaydi. Futbolda nimalar bo‘lishini oldindan bilib bo‘lmaydi. Ammo biz «Chelsi»ga qarshi o‘yin oldidan muammolarni bartaraf etishga harakat qilamiz. Umid qilamanki, buning yo‘li topiladi.
Istalgan holatda ham, shanba kungi o‘yin – mening oxirgi o‘yinim bo‘lmaydi. «Arsenal»dan ketsam ham futboldan ketmayman. Yo‘q, men hozirda bosim ostida emasman. Mening vazifam – Angliya Kubogida g‘alaba qozonish», – deya fransiyalik mutaxassisning so‘zlarini keltirgan «Sovetskiy sport».
