Amerikalik olimlar guruhining ma'lum qilishicha, 2030 yilga borib, insonning Marsga parvoz qilishiga yo‘l ochuvchi eng yangi texnik imkoniyatlar yuzaga keladi. Bu haqida Daily gazetasida xabar berildi.
Marsga parvoz qilishning to‘lovdan tashqari yagona sharti NASA stansiyalaridan birida maxsus tayyorgarlikdan o‘tish bo‘ladi. Hozirda olimlarni eng ko‘p tashvishga solayotgan muammo - u yerdagi kuchli radiatsiya. Bunday radiatsiya Marsga chiqqan odamzot halokatiga sabab bo‘lishi mumkin.
Ma'lum qilinishicha, Qizil sayyoraga parvoz qilishdan avval astronavtlar bunday xavfli va uzoq ekspeditsiyaga tayyorgarlikni baholash maqsadida shaxsiy insoniy resurslarini sinovdan o‘tkazishadi.