FQBning sobiq direktori Jyeyms Komi bu haftada yodnomalar (memuar) yozish uchun 10 mln dollarlik taklif oldi. Bu haqda Fox Insider telekanali xabar bermoqda.
Telekanal ma'lumotlariga ko‘ra, nashriyotlar Komining bunga roziligini olish uchun navbatga turmoqda.
Noshirlar FQBning sobiq rahbari AQSh prezidenti Donald Tramp bilan munosabatlari va AQShning sobiq davlat kotibi Hillari Klinton xizmat yozishmalari uchun shaxsiy elektron pochtasidan foydalangani bilan bog‘liq tergov haqida so‘ylaydigan kitobni chop etishmoqchi.