Surxondaryo viloyatining Jarqo‘rg‘on tumanida yashovchi M.A.ning ichki ishlar bo‘limiga yozgan arizasida, shu tumanda yashaydigan 1992 yilda tug‘ilgan Yu.E. o‘zining ikki kunlik qiz bola chaqalog‘ini unga 7500000 so‘m pul evaziga sotmoqchi ekanligini ma'lum qilgan, deb xabar bermoqda O‘zbekiston Respublikasi IIV matbuot xizmati.
Mazkur ariza yuzasidan o‘tkazilgan tezkor tadbir davomida Yu.E. M.A.ga chaqalog‘ini sotayotgan vaqtida daliliy ashyo bilan ushlandi.
Hozirgi kunda holat yuzasidan O‘zbekiston Respublikasi Jinoyat kodeksining 135-moddasi 3-qismi bilan jinoyat ishi qo‘zg‘atildi.
