13:23 / 22.06.2017
6454

Olmaliqda 22 yoshli yigit “Damas” avtomashinasini haydab qochdi

Toshkent viloyatining Olmaliq shahrida yashovchi yosh yigit, endigina 22 yoshga kirgan M.U o‘zganing avtotransportini olib qochishga qo‘l uradi. 

O‘zbekiston Respublikasi IIV matbuot xizmatining xabar berishicha, u 1990 yilda tug‘ilgan xususiy tadbirkor A.S boshqaruvidagi “Damas” rusumli avtomashinani haydab qochgan. Ammo u uzoqqa bora olmadi va ichki ishlar organlari xodimlari tomonidan ushlandi. 

Olib borilgan qidiruv ishlari natijasida avtomashina Olmaliq shahar Primqulov ko‘chasi 11”V”-uy oldidan texnik soz holda topilgan. 

Mazkur holat yuzasidan O‘zbekiston Respublikasi Jinoyat Kodeksining 267-moddasi 1-qismi bilan jinoyat ishi qo‘zg‘atilgan. Tergov davom etmoqda.

Mavzuga oid
Top