21:28 / 25.06.2017
4616

Ispaniyaning Andalusiyasidagi yong‘in tufayli minglab odamlar evakuatsiya qilindi

Ispaniyaning Andalusiya viloyatida avj olayotgan o‘rmon yong‘inlari tufayli 2 mingdan ko‘proq odam evakuatsiya qilindi. Ma'lum qilinishicha, yong‘in viloyatning katta qismiga yoyilib ketgan, jumladan Donyana tabiat bog‘ini ham qamrab olgan.

Qutqaruv xizmatlari "Parador" mehmonxonasida yashayotganlarni hamda yaqin oradagi ferma va posyolkalar hamdan kempingda 1,5 ming kishini olib chiqishgan. 

Yong‘inni o‘chirishda 19 ta amfibiya-samolyot, vertolyotlar hamda 10 ta o‘t o‘chirish raschyoti ishtirok etmoqda. 

Shuningdek, Kataloniyada ham o‘rmonlar va qishloq xo‘jaliklari yonmoqda. Barselona atrofidagi hududda 150 gektar maydondagi ekinlar yo‘q bo‘lgan. 

Bir hafta avval qo‘shni Portugaliyada kuzatilgan kuchli yong‘in tufayli 70 ga yaqin odam halok bo‘lgandi.

Mavzuga oid
Top