22:53 / 27.06.2017
5443

Nyu-York metrosida poyezd relslardan chiqishi oqibatida ko‘plab odamlar jarohat oldi

Nyu-York metrosi poyezdi relslardan chiqib ketishi oqibatida kamida 34 kishi jarohat oldi, deb xabar bermoqda Fox News telekanali.

Favqulodda xizmatlar ma'lumotlariga ko‘ra, jarohat olganlar hayotlariga xavf yo‘q. Shunga qaramay, 17 kishi shifoxonaga yuborilgan.

Nyu-York transport boshqarmasida avariya poyezd favqulodda to‘xtashni amalga oshirishi oqibatida yuz bergani ta'kidlab o‘tildi. Shuningdek, yo‘l va tunnelning bir qismi shikastlangan.  

Avariya sababli yana bir nechta poyezd to‘xtatilgan, ulardan yo‘lovchilar evakuatsiya qilingan. Transport boshqarmasi voqea sabablarini tergov qila boshlagan.

 

Mavzuga oid
Top