Konfederatsiyalar kubogining yarim final ikkinchi juftlik bahslarida Germaniya va Meksika terma jamoalari final yo‘llanmasini qo‘lga kiritish uchun kurashdi. Sochidagi "Fisht" stadionida kechgan o‘yin Germaniyaning yirik g‘alabasi bilan yakunlandi.
Dastlab 6- va 8-daqiqalarda Gorettska ikki gol urib, jamoasini oldinga olib chiqqan bo‘lsa, 59-daqiqada Verner oradagi farqni yirik ko‘rinishga olib keldi. O‘yin tugashiga bir daqiqa qolganida Fabian meksikaliklarning yagona goli kiritdi. Uchrashuvga qo‘shib berilgan vaqtda Yunes gol kiritib, yakuniy 4:1 hisobni o‘rnatdi.
Germaniya terma jamoasi finalda Chiliga qarshi maydonga tushadi. O‘yin 2 iyul kuni bo‘lib o‘tadi.
Germaniya – Meksika 4:1
Gollar: 1:0 – 6 Gorettska, 2:0 – 8 Gorettska, 3:0 – 59 Verner, 3:1 – 89 Fabian, 4:1 – 90+1 Yunes.
Germaniya – ter Stegen, Xektor, Ginter, Ryudiger, Xenrixs, Gorettska (Jan, 67), Kimmix, Rudi, Draksler (Yunes, 81), Verner, Shtindl (Brandt, 79).
Meksika – Ochoa, Moreno, Layyun, Arauxo, Alanis, Akino (Losano, 46), Dos Santos (Markes, 67), Errera, Ximenes, Ernandes, dos Santos (Fabian, 63).
Ogohlantirishlar: Ximenes (55), Jan (72).