Foto: aa.com.tr
Erkaklar o‘rtasida nogironlar aravachasidagi basketbol bo‘yicha Yevropa chempionati finalida Turkiya terma jamoasi Buyuk Britaniyani 76-69 hisobida mag‘lub etib, musobaqa chempioni bo‘ldi.
Musobaqa Ispaniyaning Tenerife orolida bo‘lib o‘tdi. Turkiya o‘z tarixida birinchi bor bu unvonni qo‘lga kiritdi.
Avvalroq Turkiya Yevropa chempionatlari finallariga uch marta chiqqan, biroq har gal imkoniyatni boy bergan. 2013 va 2015 yillarda turklar finalda Buyuk Britaniyaga, 2009 yilda esa Italiyaga yutqazishgandi.
