Rossiyaning Hamburgdagi bosh konsulxonasi G20 sammiti vaqtidagi tartibsizliklardagi ishtiroki tufayli ikki nafar rossiyalik qo‘lga olingani haqida ogohlantirilgan. Bu haqda RFning Berlindagi elchixonasi press-attashesi Denis Mikerin ma'lumot bergan.
«Rossiyaning Hamburgdagi bosh konsulxonasi GFRda rossiyalik fuqarolar qo‘lga olingani haqida bildirishnoma olgan. 6-8 iyul kunlari Hamburgda o‘tgan «Katta yigirmatalik» sammiti davomida qo‘lga olingan ko‘p sonli xorijliklar orasida Rossiyaning 1986 va 1996 yillarda tug‘ilgan ikki fuqarosi ham bor», - deya yozgan u feysbukdagi sahifasida.
U konsulxona vakillari yaqin vaqt ichida qo‘lga olingan fuqarolar bilan uchrashishi hamda ularning oila a'zolari bilan aloqa o‘rnatishi haqida qayd etib o‘tgan.
Bu vaqtda Deutsche Welle radiosi Hamburgdagi namoyishlar vaqtida olti nafar rossiyalik qo‘lga olingani haqida xabar bergan.
