foto: aa.com.tr
Turkiya prezidenti Rajab Toyyib Erdo‘g‘an Fransiya rahbari Emmanuel Makron bilan telefon muloqot o‘tkazdi. Bu haqda “Anadolu” xabar berdi.
Turkiya rahbari ma'muriyatining ma'lumotiga ko‘ra, ikki davlat yetakchilari Al-Qudsdagi vaziyatni, jumladan, Al-Aqsa masjidiga tashrif buyuruvchilarga nisbatan Isroil politsiyasi tomonidan kiritilgan cheklov choralarini muhokama etishgan.
Keskinlikning o‘sishi, insonlarning halok bo‘layotgani tufayli tashvish bildirilgan. Suhbatdoshlar Al-Qudsdagi muammoni hal etish va vaziyatni barqarorlashtirishga hissa qo‘shishga tayyorliklarini ma'lum qilishdi.
Tomonlar Suriya va Liviya bo‘yicha fikr almashishdi. Qatar bilan bog‘liq keskinlik mavzusi ham tilga olindi.
