Neymar Parijga keldi va «PSJ» futbolchisi sifatida rasman tanishtirildi.
Uning taqdimot marosimida parijliklar jamoasi prezidenti Nosir al-Helayfiy ham ishtirok etdi.
Futbolchi va prezident jurnalistlarning savollariga javob qaytarishdi.
Taqdimotdan so‘ng futbolchi klub stadionini aylandi.
Eslatib o‘tamiz, braziliyalik hujumchi yangi klubi bilan 5 yillik shartnoma imzolagan. «Barselona»ga futbolchining shartnomasida ko‘rsatib qo‘yilgan badal puli — 222 million yevro o‘tkazib berildi.
Futbolchi yangi klubida 10 raqam ostida to‘p suradi.