Qirg‘izistonda IShID terrorchilik tashkilotining uch a'zosi qamaldi. Ular mamlakatga teraktlarni amalga oshirish uchun kelishgan, deb xabar bermoqda 24.kg Qirg‘iziston milliy xavfsizlik davlat qo‘mitasi matbuot xizmatiga asosan.
Uning ma'lumotlariga ko‘ra, Botken viloyat sudi kollegiyasi mamlakat milliy xavfsizlik davlat qo‘mitasi xodimlari tomonidan ushlangan IShID a'zolariga nisbatan hukm chiqardi.
Xalqaro terrorchilik tashkilotining a'zolari mamlakat jinoyat kodeksining 6 moddasi bo‘yicha sudlandi. Ular 12 yildan 15 yilgacha ozodlikdan mahrum etilib, barcha mol-mulklari musodara qilindi.
Mamlakat milliy xavfsizlik davlat qo‘mitasi idoralari tomonidan o‘tkazilgan aksilterrorchilik tadbirlarida xalqaro terrorchilik guruhining Qirg‘iziston hududidagi qo‘poruvchilik faoliyatiga chek qo‘yildi. Ushbu guruh tarkibiga Suriya va Iroqda jangovar tayyorgarlikdan o‘tgan va Qirg‘izistonga oddiy fuqarolarga nisbatan terrorchilik xurujlarini amalga oshirish maqsadida yuborilgan shaxslar kirgan.
