Ayni kunlarda Germaniyaning Kyoln shahrida o‘tkazilayotgan "Gamescom show" tadbiri davomida Microsoft kompaniyasi yangi XBox One X’ning sotuvga chiqarilishga oid rasmiy ma'lumotlarni taqdim etdi. To‘liq 4K formatda tasvir uzatuvchi yangi o‘yin uskunasi 499 AQSh dollari narxida joriy yil 7 noyabrdan sotuvda paydo bo‘ladi. Ayni paytda geymerlar XBox uchun oldindan buyurtma berish imkoniyatiga ega.
Cheklangan miqdorda sotuvga chiqarilayotgan XBox One X Project Scorpio Edition yangi imkoniyat va funksiyalar bilan boyitilgan bo‘lib, 1 terabayt xotiraga ega. Microsoft vakillarining ta'kidlashicha, Scorpio turkumidagi o‘yin uskunasi kam sonda chiqariladigan maxsus brendga aylanib qoladi.
Hozircha ushbu gadjyetni Amazon, Best buy, GameStop, Microsoft, Target va Walmart saytlaridan buyurtma orqali sotib olish mumkin.
