Isroilda joylashgan Flytrex startapi Islandiya poytaxti Reykyavikda mahsulotlarni dronlarda yetkazish xizmatini ochishga qaror qildi. Xizmatga istalgan do‘konda buyurtma berish mumkin, buning evaziga mahsulotlar haqiqiy dron-kurerlar yordamida buyurtmachiga yetkaziladi.
Shaharda anchagina katta buxta mavjud bo‘lib, uni yuk mashinalarida aylanib o‘tish “ham vaqtni, ham naqdni” oladi, biroq dronlar uni tezda uchib o‘tishi va yukni maxsus maydonchada qoldirishi mumkin. Jo‘natmani u yerdan kurerlar avtomobilda olishadi. Aha internet-do‘koni Isroil kompaniyasi xizmatlaridan foydalanib kelmoqda va yil oxirigacha mahsulotlarni to‘g‘ri buyurtmachining uyi eshigi oldigacha yetkazishni yo‘lga qo‘yishga umid qilmoqda. Biroq hozircha Flytrex Islandiya hukumatidan bunga tegishli ruxsatni olishga muvaffaq bo‘lmagan.
Aha vakillarining aytishicha, dron-kurerlarni qo‘llash mablag‘ni anchagina tejashga imkon beradi. Foyda 60 foizgachani tashkil qilishi mumkin. Hozirda dronlar har kuni 10 tagacha reys amalga oshirmoqda, biroq vaqti kelib parvozlar miqdorini 2 barobarga oshirish rejalashtirilmoqda, axir dronlar xizmat ko‘rsatuvchi hududda do‘konning 8 mingdan ko‘proq mijozi bor.
Dronlar yordamida yuklarni yetkazish yirik onlayn-do‘konlar o‘zlashtirayotgan istiqbolli yo‘nalish hisoblanadi. O‘tgan yili kvadrokopterlar yordamida jo‘natmalarni yetkazishni o‘z kurerlik xizmatini modernizatsiyalash imkoniyatini faol ravishda o‘rganayotgan Amazon onlayn-reteyleri boshlagandi.
