00:16 / 29.08.2017
10155

Tojikistonda mikroavtobusning daryoga ag‘anashi oqibatida 10 kishi halok bo‘ldi

Tojikiston sharqida ichida yo‘lovchilar bo‘lgan mikroavtobusning Shoxdara daryosiga ag‘anashi oqibatida 10 kishi halok bo‘ldi. Bu haqda Favqulodda vaziyatlar qo‘mitasining Tog‘li Badaxshon muxtor viloyati shtabi navbatchi qismiga iqtibos keltirgan holda mahalliy OAV xabar berdi.  

“Fojia 28 avgust soat 7:30larda sodir bo‘lgan. Ichida 13 yo‘lovchi, jumladan 4 bola bo‘lgan Starex mikroavtobusi Roshtqal'a-Xorug‘ avtotrassasining 20 kilometrida tog‘ yo‘lidan daryoga tushib ketgan”, deyilgan xabarda.

Ma'lum qilinishicha, mikroavtobusdagi barcha bolalar halok bo‘lishgan. Omon qolgan 3 nafar yoshi katta yo‘lovchi va haydovchi turli jarohatlar bilan Xorug‘ shahri shifoxonasiga yetkazilganlar.

Voqea sabablari aniqlashtirilmoqda.

Top