Foto: UzDaily
Futbol bo‘yicha O‘zbekiston milliy terma jamoasi bugun, 31 avgust kuni JCh—2018 saralash guruh bosqichi doirasidagi so‘nggi ikki o‘yinidan dastlabkisini o‘tkazadi. Uxan shahrida o‘tkaziladigan bahsda Samvel Babayan shogirdlari Xitoy mehmoni bo‘ladi.
Ikki terma jamoa ham asosiy tarkiblarni e'lon qilgan. Bu o‘yinda o‘zbekistonliklarning asosiy futbolchilaridan biri Sardor Rashidov o‘ynaydi olmaydigan bo‘ldi.
«O‘zbekiston MTJ yarim himoyachisi Sardor Rashidov taomdan zaharlanishi oqibatida o‘yin qaydnomasiga kiritilmadi. Uning o‘rnida Sardor Mirzayev», deyilgan O‘FF rasmiy tvitterida.
