15 yoshli amerikalik o‘smir Patrik Pons Rubik kubigini (kubik Rubika) yig‘ish bo‘yicha jahon rekordini o‘rnatdi. Bu haqda Daily Mail nashri xabar bermoqda. Ponsning rekord natija qayd qilgan videosi uning YouTube-kanalida joylashtirildi.
Pons avvalgi rekordni 0,05 soniyaga yaxshilab, Rubik kubigini 4,69 soniya ichida yig‘a oldi. O‘smirning aytishicha, u vazifani rekord darajada tez bajarganini bilgach, hayratga tushgan. U kubikni 17 ta harakat bilan yig‘a olgan.
Avvalgi rekord natija 2016 yil noyabrda Mats Valk tomondan o‘rnatilgandi. U bunga avvalgi rekord sohibi amerikalik Lukas Etter vaqtidan 0,164 soniya qamroq vaqt sarflagandi.
Rubik kubigi o‘tgan asrning 80-yillarida vengriyalik haykaltarosh va arxitektura o‘qituvchisi Erne Rubik tomonidan ixtiro qilingan. Har yili bu boshqotirma o‘yinchoqdan dunyoda 10 mln dan ko‘proq dona sotiladi.