21:11 / 11.10.2017
33523

Voronejda o‘z qizini sotayotgan o‘zbekistonlik juftlik qo‘lga olindi

Voronejda yashovchi ikki O‘zbekiston fuqarosi inson savdosi bilan bog‘liq jinoiy ish ishtirokchisiga aylandi. "Interfaks" RTK tergov boshqarmasi bergan ma'lumotga asoslanib, shu haqida xabar berdi

39 yoshli erkak va uning 29 yoshli turmush o‘rtog‘i kichik qizini sotishga urinayotgan vaqtda qo‘lga olindi. 

Tergov versiyasiga ko‘ra, joriy yilning 8 sentabrida ayol qiz farzandli bo‘lgan, biroq uni tegishli tartibda ro‘yxatdan o‘tkazmagan.

Kuni kecha kechqurun juftlik notanish odamlarga 30 ming rublga sotmoqchi bo‘ldi. Biroq ular o‘zlarining g‘arazli niyatlarini oxirgacha amalga oshira olishmadi, zero politsiya xodimlari ularni nazorat qilayotgan bo‘lgan.

Manbaga ko‘ra, O‘zbekiston fuqarolari RF JKning 30-moddasi 3-qismi, 127-modda 2-qismining "b, z" bandlari bo‘yicha ayblanmoqda. 

Top