07:43 / 04.11.2017
8612

Belgiya Puchdemonning hibsga olinishiga order oldi

Foto: EPA/EFE

Belgiya federal prokuraturasi rasmiy vakili Erik Van der Siptning ma'lum qilishicha, Belgiya hukumati Kataloniya hukumatining sobiq rahbari Karles Puchdemonning hibsga olinishiga order oldi, deb xabar bermoqda “RIA Novosti” axborot agentligi.

“Biz Puchdemonning hibsga olinishiga Yevropa orderini oldik, uni o‘rganib chiqib, sud tergovchisiga topshiramiz. Buning vaqt bo‘yicha muddati yo‘q – ehtimol bu ertaga, indinga yoki dushanba kuni yuz beradi”, deb aytgan Van der Sipt.

Ta'kidlanishicha, order tergovchiga beriladi, u ehtimol Puchdemonning ekstraditsiya qilinishi bo‘yicha qarorni qabul qilish uchun uni so‘roqqa chaqirtiradi. So‘roqdan keyin tergovchida qaror qabul qilish uchun 24 soat vaqt bo‘ladi.

Hozirda Puchdemon Belgiyada qolmoqda.

Mavzuga oid
Top