Qurolli mojaro girdobida qolgan Yamanda 2015 yilning martidan buyon 14 mingdan ziyod tinch aholi vakillari halok bo‘ldi yoki yaralandi. Bunday ma'lumotlar BMTning Inson huquqlari bo‘yicha Oliy komissari Boshqarmasi rasmiy vakili Rupert Kolvill tomonidan Jyenevada taqdim etildi.
"2015 yilning martidan buyon halok bo‘lgan va yaralangan tinch aholining umumiy soni 14 ming 168 kishini tashkil qildi. Jumladan, 5 ming 295 inson hayotdan ko‘z yumgan bo‘lsa, 8 ming 873 kishi yaralandi", - dedi u. Bu ma'lumotlar BMTning Inson huquqlari bo‘yicha Oliy komissari Boshqarmasi Yamandagi ofisi tomonidan tekshirildi, biroq "haqiqiy raqamlar, aftidan, ancha ko‘proq", deya taxmin qildi Kolvill.
Rasmiy vakil Yamanning Saudiya Arabistoni boshchiligidagi koalitsiya tomonidan blokadasi haqida to‘xtalar ekan, Oliy komissar Boshqarmasi bu qaror “hech qanday aybi bo‘lmagan oddiy odamlarga yordam taqdim etishga salbiy ta'sir ko‘rsatishi” mumkin ekanidan “juda tashvishda” ekanligini aytib o‘tdi.
Dushanba kuni arab koalitsiyasi Yamanning barcha aeroportlari va portlari yopilishi haqida ma'lum qildi. Bu Ar-Riyodga qarata ballistik raketa uchirilganidan so‘ng ro‘y berdi.
