Foto: Global Look Press
Misr bosh prokuraturasi mamlakatda yuz bergan terakt oqibatida 305 kishi halok bo‘lgani haqida xabar berdi, deb ma'lum qilmoqda MENA.
Halok bo‘lganlar orasida – 27 nafar yosh bola. Shuningdek, 128 inson jabrlangani aytilmoqda.
Avvalroq Misrdagi terakt natijasida 235 kishi halok bo‘lgani, politsiya 30 nafar jangarini yo‘q qilgani haqida xabarlar paydo bo‘lgandi.
Eslatib o‘tamiz, bugun, 25 noyabr kuni O‘zbekiston Respublikasi prezidenti Shavkat Mirziyoyev Misrning Sinay yarim orolida sodir etilgan terrorchilik harakati oqibatida ko‘plab tinch aholi, xavfsizlik xodimlari qurbon bo‘lganligi munosabati bilan ushbu mamlakat prezidenti Abdul-Fattoh As-Sisiga hamdardlik bildirdi.
