Foto:aa.com.tr
Fathulla Gulen tarafdorlari AQSh tuzilmalariga, jumladan kongress va sud instansiyalariga kirib olganlar. Bu haqda Turkiya tashqi ishlar vaziri Mavlut Chovusho‘g‘lu ma'lum qildi, deb xabar bermoqda “Anadolu” axborot agentligi.
Chovusho‘g‘luning aytishicha, Gulen oqimi o‘z odamlarini AQSh davlat muassasalariga kiritish uchun ham qonuniy, ham jinoiy usullardan foydalangan.
“Turkiya hukumati Gulen tarafdorlari AQShda nimaga intilayotganlaridan yaxshi xabardor. Biz ular qanday kuchlardan foydalanishlarini bilamiz. Ehtimol, Gulen oqimi o‘zidan foydalanishga ijozat berar. Buning barchasi alohida masala”, deb aytgan Chovusho‘g‘lu va Anqara Gulen tarafdorlarini butun dunyo bo‘ylab ta'qib qilishiga va'da berdi.
