«Manchester Yunayted» klubi yarimhimoyachisi Xuan Mata The Guardian talqini bo‘yicha yilning eng yaxshi futbolchisi deb topildi.
Ma'lumki, ingliz nashri yil davomida misli ko‘rilmagan ishlarni qilgan futbolchini taqdirlaydi.
29 yoshli ispaniyalik 2017 yil avgust oyida Common Goal jamg‘armasini tashkil qildi va futbol olami vakillarini maoshining 1% miqdorini xayriyaga sarflashga chaqirgan edi. Qisqa vaqt ichida uning chorloviga bir qator futbolchilar va murabbiylar qo‘shildilar.
