Afg‘onistonda amerikalik bir harbiy halok bo‘ldi va yana 4 harbiy jarohatlandi. Bu haqda AQSh Qurolli kuchlarining Afg‘onistondagi shtabi rasmiy tvitterida ma'lum qilingan.
«1 yanvar kuni Nangarhar viloyatidagi Achine tumani hududidagi janglar vaqtida bir harbiy xizmatchi halok bo‘ldi, yana 4 kishi yaralandi», deyilgan xabarda.
Afg‘onistonda keyingi vaqtlarda vaziyat og‘irlashgan. «Tolibon» harakati faollashuvi kuzatilmoqda, jangarilar tog‘li hududlardan tushib, shaharlarga hujum qilishga o‘tgan. Shuningdek, mamlakatning g‘arbiy hududlarida IShID ta'siri ostidagi kuchlar harakatlanmoqda.