Saudiya Arabistoniga oila a'zolaridan bo‘lgan erkaklarsiz bormoqchi bo‘lgan 25 yoshdan katta ayollarga sayyohlik vizalari berishga ruxsat berildi. Bu haqda Khaleej Times nashri xabar bermoqda.
Avval xorijlik ayollarga erkak-oila a'zolari hamrohligisiz qirollikka kirish taqiqlangan.
Shu bilan birga 25 yoshgacha bo‘lgan ayollarga qirolikka yakka o‘zlari kirishlariga taqiqlov o‘z kuchida qoladi.
Ma'lum qilinishicha, viza bir martalik bo‘ladi va 30 kunga beriladi. OAV ma'lumotlariga ko‘ra, turistik vizalar berilishining yangi qoidalari joriy yilning birinchi choragida e'lon qilinadi.
2017 yil oxirida Saudiya Arabistoni hukumati 2018 yil boshida sayyohlik vizalari kiritilishini e'lon qilgandi. Yaqin vaqtlargacha qirolikka kirish vizalari ishchilar, haj va umra ziyoratlari yoki xizmat safarini amalga oshiruvchilarga berilgan.
Mutaxassislarning ta'kidlashicha, ayni vaqtda Saudiya Arabistoni jamiyatida sezilarli erkinlashtirish kuzatilmoqda: avval mavjud bo‘lgan taqiqlovlar bekor qilinmoqda, ayollar huquqlari kengaytirilmoqda. Jumladan, ularga mashina haydash, futbol uchrashuvlari vaqtida stadionlarga tashrif buyurish va sudlar o‘tuvchi xonalarda ochiq yuz bilan o‘tirishga ruxsat berilgan.
